Vacation Rentals Professional Aruba ta haya cu nan mester ta envolvi den e decisionnan di gobierno ora ta trata “vacations rentals.” Mester tin standard, tin regulacion, un sistema cu ta funciona den un manera balansa.
Alex Cybul, presidente di VRPA, a indica cu aworaki tin hopi beneficio n’e “vacations rentals” p’e isla, pa hopi local cu ta doño di cas y cu ta gehuur. Tin di busca un manera cu tin un balans y un manera cu tur hende envolvi den e mercado por ta forma parti p’asina por tuma e miho decisionnan posibel pa loke ta e regla- of leynan cu ta bay pasa.
Beneficio
A puntra Cybul riba e efecto cu lo tin pa “vacations rentals” si bin un medida. El a indica cu den e ultimo añanan tabatin un crecemento hopi grandi den e industria aki. Pero tambe e chip di e hendenan cu ta biniendo ta uno diferente. Prome hende tabata pensa riba resort, sinembargo, Aruba ta un destinacion perfecto pa “vacations rentals.”
E ta safe, tur beach ta publico, ta facil pa yega tur caminda y tin hopi luga autentico cu ta pafo di e strip di Palm Beach cu awo hende por disfruta di nan. Esey ta pasobra nan tin libertad di sali.
Despues di covid a ripara cu hende ta prefera di keda na un pool priva. Nan sa cu tin un chip y un cambio unda cu hende kier keda na un cas. P’esey mester por duna e opcionnan ey na turista. Pero tin cu percura di hacie na un manera balansa y ta saludabel p’e economia di Aruba, p’e localnan. Tin hopi negoshi cu nunca a mira turista, pero awendia tin e oportunidad pa haci esey.
Ta mira turista na Bright Bakery, Urataca. Un cos cu a mira ta cu hopi chef ta bay cas y esey tambe a bira un mercado of negoshi nobo. Tin hopi beneficio aparte di e huur. Mester mira henter e “picture” y busca e miho manera pa balansa cu e ta saludabel pa Aruba y industria.
Pa mas lesa TREMPAN.COM.
