Pa hopi tempo caba por a tende tur caminda cu marihuana tin su efectonan medicinal. Pero tin hopi estudio haci internacionalmente cu ta mustra esaki tambe, cu cannabis tin su beneficionan medicinal cun’e. Tur esaki, tur hende por subi internet y haya e informacion aki. Tin un lista basta grandi di malesa cu ta wordo trata cu cannabis. Te dia di awe, FDA a aproba solamente dos remedi cu nan ta bisa cu ta yuda pa e parti medicinal.

Segun Juendel Sprok, director di FADA, loke a papia di dje durante un conferencia di prensa, e uzo di marihuana bo di nos hobennan. A papia riba e parti medicinal cu tin su beneficionan cun’e, pero tambe tin cu papia di e parti di marihuana recreacional cu tin su parti negativo pa nos hobennan.

Alerta pa situacion y preocupacion di Marihuana na Aruba

Posted by 24ora on Friday, April 5, 2019

Investigacionnan ta mustra tambe cu marihuana, pa hobennan bao di 25 aña, ta dañino. Ta afecta nan concentracion, nan scol, nan memoria. Si nan por a logra bira algo mas den bida, manera un profesional, un docente, uzando marihuana, esaki por afecta su IQ y no lo por yega e nivel desea.

Alerta pa problema cu marihuana na Aruba

Posted by 24ora on Friday, April 5, 2019

Den e caso di FADA, ta sumamente importante pa nos hobennan keda leu di e uzo di marihuana. Bao di 25 aña, marihuana ta dañino. Diferente research ta mustra esaki.

Uzo riba 25 aña

E uzo riba su mes no ta bon. Pero ciencia ta mustra cu marihuana ta daña celebro di hobennan bao di 25 aña. Por a mira cu localmente e uzo di marihuana bao di nos hobennan a crece. Ta bin tambe door cu tin hopi mercadeo ta wordo haci cu marihuana ta bon. Cu e tin e parti medicinal, cual ciencia ta mustra tambe cu ta asina. Pero e ta wordo regla y regula segun e regla cu nan ta bin cun’e, segun Sprok.

Importante ta pa tene na cuenta, cu si bo ta un hoben bao di 25 aña, ciencia ta mustra tambe cu bo no por uza marihuana, pasobra e ta dañino pa bo mente, pa bo crecemento, etc.

Influencia di mayor

E uzo di marihuana di mayor dilanti nan yiu, tambe ta un problema cu ta manifesta. Mayornan ta un parti importante den loke e hobennan ta haci. Por mira cu diferente mayor ta uza, e ta algo cu hopi hende sa. Nan ta papia di dje mas habri tambe ultimo añanan, cu nan ta uza marihuana. Loke su efecto ta, cu e hobennan tambe ta bay uza mas. E trend di marihuana ta hopi grandi. Online hopi hende ta papia di uzo di marihuana. Door cu hopi hende ta bruha den e parti di marihuana recreacional y marihuana medicinal, ta wak cu e uzo ta subi. E parti eynan ta uno hopi importante. Ta pa e motibo aki ta enfoca riba e hobennan, pa e mayornan ta conciente cu nan actitud, e manera cu nan ta haci, loke nan ta bisa, tin efecto hopi grandi bao di nos hobennan.

Campaña di FADA

Campaña di FADA sigur lo bay intensifica. A haya fondo di Crisisplan social, cual ta un fondo cu Gobierno a crea pa deal cu e parti social awor aki cu tin. Sa cu e problema di marihuana tambe ta un parti social. E tin diferente faceta cu ta bin cun’e, no solamente un parti. E tin di haber cu problema social di parti di finansas, cu e mayornan tin cu traha hopi, nan no ta hopi na cas. E tin di haber cu scol tambe. Tin hopi problema di gang, muchanan ta bully otro hopi.

Tin diferente factor cu tin cu traha riba dje.

FADA ta bay bin cu un programa nobo na comienso di e aña escolar yama Be Smart, pa e muchanan ta mas conciente y yuda forma nan caracter pa nan por tuma e decision corecto, ora e ora yega, cu e peerpressure ta hopi riba nan pa nan bay uza droga.

Be Smart

Di e fondo di aña pasa a haya 200 mil florin. Cu esaki  nan ta bay bin cu nan programa, cual ta consisti di 4 modulo. E modulonan aki ta bay trata humamento, ta bay traha alcohol, ta bay trata videogaming, cu ta algo hopi importante y ta pasando hopi mes bao di nos hubentud. Nos hubentud ta hopi riba internet, nan ta hopi riba videogaming.

Videogaming ta parti di nan bida cu por laga nan perde e nocion di e realidad. Esey ta algo cu e programa ta bay enfoca riba dje. Kier forma, guia, cambia, e caracter di e hobennan cu e programa aki, segun Juendel Sprok.

Comments

comments