Servicio Meteorologico a emiti un alerta pa biento duro, cu ta drenta na vigor awe merdia pa 12’or, te cu diamars atardi 6’or. E aviso aki ta bay pa botonan chikito pa lama habri y areanan di costa oost te cu noordwest, cu ta na vigor te cu diaranson atardi 6’or.
Pa e motibo aki tambe ta pidi tur usuario di lama pa tene cautela generalmente riba lama habri. Esaki ta conta pa rond di Aruba.
Sinopsis
Entre un area di presion halto riba Oceano Atlantico y un area di presion abou riba parti noord di Colombia ta bay tin diferencianan grandi di presion den region di Caribe pa proximo 2 dianan. Pa e motibo aki biento por bay supla cu mas of menos 22 te 25 nudo y ta anticipa cu lo por tin rafaganan cu de bes en cuando lo por yega 35 nudo (beaufort 8).
Accion di precaucion
Ta urgi usuarionan di lama pa tene extra cautela riba lama ya cu e biento duro combina cu labaderanan modera for di noordoost ta bay causa lama localmente bruto. Adicionalmente un aviso pa boto chikito pa areanan di costa oost te noordwest ta na vigor te diaranson atardi 6’or.
