For di Departamento Meteorologico di Aruba, a emiti un alerta pa biento duro y lama localmente bastante bruto lo ta na vigor entrante mañan, 26 di December, diaranson mainta 6’or.
Areanan afecta: henter Aruba.
Sinopsis
Diferencianan di presion den Caribe ta aumentando. Esaki ta causa pa un area di presion halto riba oceano Atlantico y lo percura pa biento fuerte te hopi duro den region local. Por spera biento di 22 pa 25 nudo cu rafaga cu de bes en cuando por yega 35 nudo (beaufort 8).
Accion de precaucion
Usuarionan di lama, specialmente doñonan di boto chikito ta wordo avisa pa tene cautela riba lama grandi y cerca e area di costa, specialmente costa oost te noordwest di e isla.
