Un homber bou influencia a ser carga di Bushiri y transporta te cel di Polis na Shaba. E tabata hopi fastioso y incontrolabel y riba dje a resisti cu Polisnan ora a bay atende cune. Por lo menos Pasco e lo pasa den cel, pa baha su buracheria y agresividad.
Pasco mainta Polis a bay poco pura den direccion di Bushiri na e casnan di pueblo. Ora cu Polis a yega a topa cu un homber benta abou. E prome informacion cu Polis a haya tabata cu el a bula for di e piso. Pesey mes presencia di ambulance tambe a ser pidi. Na yegada e homber no a bula for di e piso.
Esnan cu a bati alarma a kere cu el a bula. Mas bien e tabata halto halto y su forsa a caba pa yega den cas. Ora cu Polis tabata bezig cune el a hasta resisti. Polis a tene abou riba barica y pone na boei. A detene y pidi transporte pa bay cune.
Mirando su situacion cu poco resistencia y tambe bou influencia, tabata necesario pa carga e homber y pone den e dogcatcher. Djey a bay cune straight warda di Shaba. Eynan tabatin coleganan Polis prepara pa ricibi e homber y hibe mesora den un cel.
Tres Polis a pone man na obra pa logra pone den e dogcatcher y despues tambe varios Polis tabata tey pa bahe mescos di auto te cu su cel.
