Polis a tene “inval” cu dos detencion den Colombiastraat

Net algo prome cu 1or di marduga di awe diadomingo tabatin un entrada hudicial den Colombiastraat na Playa. Arestatie Team a drenta cas buscando sospechosonan di atraco. Atraco Team a standby mientras cu a drenta e cas. Dogcatcher a yega tambe y transporta dos sospechoso.

Den e area segun bisiñanan tin varios stranhero ta biba. Ta papia di hendenan cu ta hasta ilegal riba e isla. Manera ta conoci tin algun caso di atraco cu a tuma lugar y ainda no tin detencion. Awor a base di informacion e team di aresto den coordinacion cu team di atraco a yega na e adres den Colombiastraat.