16 di augustus ta un dia hopi special pa Cuerpo Policial y Parlamentario Alan Howell, kende ta forma parti di e cuerpo aki a manda palabranan di felicitacion pa nos Cuerpo Policial.
E dia aki, cu tambe ta conmemora nacemento di un gran politico y estadista cu tabatin un atencion y dedicacion special pa nos Cuerpo Policial, esta Watty Vos q.e.p.d.
E combinacion di e dos acontecementonan aki unda e biaha aki a celebra 32 aña di existencia di nos Cuerpo Policial merece di wordo conmemora y celebra, mas ainda ora mira cu e importancia di polis den comunidad y desaroyo di nos isla ta crece dia pa dia.
Alan Howell a duna un pabien grandi na tur miembro di Cuerpo Policial pa e gran labor cu nan ta realisa dia aden dia afo y a pidi pa Dios sigui proteha nos polisnan durante cu nan ta protehando nos pais, nos ciudadanonan y nos bishitantenan.
