Pa di dos aña Aruba Hotel & Tourism Association (AHATA) hunto cu Barceló Aruba a organisa fiesta di Sinterklaas pa e muchanan di Casa Cuna. Gerente General di Barceló Aruba, Samuel Johnson a cuminsa pa organisa un fiesta pa e yiunan di su empleadonan, y despues di conversacion cu AHATA tocante proyectonan pa contribucion na comunidad, a dicidi di invita e muchanan di Casa Cuna tambe.
Tur e muchanan a pasa un rato masha agradabel hunto. AHATA y Barceló Aruba, ta masha contento di por tabata anfitrion pa e fiesta di Sinterklaas p’e yiunan di empleadonan y muchanan di Casa Cuna.
Pietnan a baila y canta cu e muchanan y tur hende a gosa cu sonrisa riba nan cara. AHATA a ofrece regalo na cada mucha di Casa Cuna y tur a pasa un atardi dushi.
Muchanan ta nos futuro y ta importante pa nan mustra nan cariño, segun Vanessa Rasmussen di AHATA. Minister di Asuntonan Social, Sr. Glenbert Croes, tambe tabata presente pa comparti e momentonan alegre cu e muchanan.
Barceló Aruba ta gradici pueblo di Aruba, e empleadonan di e resort y tambe AHATA pa brinda nan e oportunidad di sirbi e comunidad via di Casa Cuna.
