E organizacion Aruba Hotel and Tourism Association (AHATA) sigur ta e prome interesa pa Aruba habri su frontera y turistanan cuminsa yega. Sinembargo tin un “pero” cu ta sigui y e preocupacionnan aki nan ta expresa den un carta dirigi na Minister di Turismo, Salubridad Publico y Deporte Dangui Oduber.
Prome cu nan a manda e carta, e organisacion a reuni cu su miembronan diamars ultimo pa haya nan principal puntonan di preocupacion cu tin poni den e carta manda pa e mandatario menciona.
Nan ta principalmente preocupa cu si mester bini un di dos lockdown ya cu esey lo ta mas devastador pa economia di Aruba.
Nos ta compronde cu e prome lockdown tabata un medida necesario, pero nos kier enfatisa e necesidad pa evita un otro na momento cu un segundo ola di caso surgi. “Hoteleronan den e carta ta conseha Gobierno pa prome cu e fecha di reapertura tin transparencia riba: 1) e inventario di e cambernan disponibel na Aruba pa isolacion y cuarentena pa loke ta bishitantenan, na propiedadnan separa di unda cu bishitantenan saludabel ta kedando. AHATA a yuda busca un acomodacion pa esnan cu mester bay den cuarentena, y ta dispuesto pa yuda busca espacio pa isolacion; 2) e capacidcad di nos sistema di salud pa casonan di COVID-19; 3) ki formula exacto autoridadnan ta uza pa determina ki ora un di dos lockdown ta necesario; 4) ki plan exacto tin pa sigura cu un di dos lockdown no ta necesario. AHATA ta enfatisa cu nan ta recomenda pa Aruba exigi bishitantenan pa tin prueba di un test negativo prome cu subi buelo pa Aruba. Esaki, nan ta bisa, ta reduci e cantidad di bishitantenan na Aruba, pero tambe ta reduci e cantidad di posibel casonan positivo riba e isla cu ta un presion pa nos sistema di Salubridad Publico. Si e exigencia aki no ta viabel pa autoridad, “nos ta spera contestanan cla di punto no. 4 prome cu anuncio di e reapertura.”
Loading…
Reload document 
Open in new tab AHATA ta di acuerdo tambe cu seguro di biahe pa nos bishitantenan, cu ta inclui e cobertura di gastonan di pandemia na un bishitante, ademas di cancelacion di biahe y gastonan medico. Inclusive, AHATA tabata colaborando pa establece un programa di seguro asina pa Aruba. Pero nan ta totalmente contra cu e posibel plan di Gobierno pa introduci un belasting adicional di camber pa e seguro di biahe aki.Un seguro di biahe adicional obligatorio mester ta paga door di: cada bishitante cu drenta Aruba y no solamente pa e huespednan di hotel. “Ainda tin falta di conocemento cerca autoridadnan di tur acomodacionnan alternativa y un falta di conocemento riba cumplimento di e belastingnan di turismo corespondiente. 2) mester pague prome cu e biahe of na yegada na aeropuerto di Aruba. E biahero mester por demostra prueba di seguro ora di drenta e isla, mescos cu un visa; 3) paga e seguro di biahe directamente na e agencia di biahe pa e companoa di seguro y no via di sector publico ni via di e belasting riba camber.
AHATA ta totalmente contra e posibilidad cu ta introduci un belasting di camber pa cubri gastonan gubernamental manera pa AZV y / of hospital.Plan di Mercadeo A su principal preocupacion pa AHATA ta si Aruba tin suficiente fondo aloca pa atrae bishitantenan despoues di e reapertura, den un ramo sumamente competitivo y cu poco biahero rond mundo.Gerente di hotelnan ta hopi preocupa pa e falta di informacion encuanto e tacticanan specifico di mercadeo pa cada mercado. “AHATA ta compronde cu informacion di aerolineanan ta dinamico, sinembargo e partnernan mester ta consciente di e plan di mercadeo di e isla cu e informacionnan mas actual posibel. “
Un otro preocupacion di e hoteleronan ta e falta di informacion di fondonan disponibel pa mercadeo den exterior. Considerando e hecho cu nan ta spera un recuperacion hopi lento cu ocupacion hopi abou, “nos ta consciente cu entradanan di belasting di turismo lo ta limita durante 2021. Ta esencial pa nos recuperacion economico pa nos colabora den buskeda di fondonan necesario pa un mercadeo efectivo.”Pa finalisa, AHATA ta expresa ta di aprecia e sociedad productivo cu ATA y participacion den plannan strategico di mercadeo pa Aruba den pasado y teniendo cuenta cu e colaboracion ey, esaki ta mas esencial ainda durante e crisis profundo aki.
