Polis ta anuncia: Awe marduga Toque de Queda a caba!

Awe diaranson pa 5:00am tabata e ultimo Toque de Queda, mara na e decision cu Minister Presidente a tuma relaciona cu Coronavirus, pa evita cu tin hende riba caya den oranan di anochi. A cuminsa cu e TdQ for di 9:00am pa 6:00am te cu a suavis’e pocopoco te cu ayera el a caba na 12:00am pa 5:00am. Awe diaranson anochi tur hende por subi caya trankil, sin ningun restriccion penal.

Vocero Policial a confirma na nos cu na tur e Toque de Queda a keda na vigor durante 67 dia y na tur a detene 683 sospechoso. E prome dia tabata 21 di maart y e ultimo dia tabata awe 27 di mei.

Mester menciona cu e siman a habri cu un carta pisa di Orden di Abogadonan cu a reta e forma con Minister Presidente a yega na e decision pa implemente un medida asina pisa. Tambe e abogadonan a keha den un carta publico cu ora Gobierno di Aruba, mescos cu tur otro Gobierno rond mundo a cuminsa suavisa e medidanan, lo a spera cu ta suavisa esun di mas pisa prome.

Aki na Aruba nos a aplica net a la “buchi robes” y a mantene e medida aki, sin cu nunca Gobierno por a prueba cu anochi tin mas chens pa hende contagia cu den dia. E abogadonan ta convenci cu a uza e medida aki, bou capa di Coronavirus (Salud Publico) pa atende retonan di criminalidad (Husticia) sin cu Gobierno por a prueba tambe cu tabatin aumento di criminalidad ultimamente di tal magnitud cu mester a cera e pueblo completo den cas.

Loader Loading…
EAD Logo Taking too long?

Reload Reload document
| Open Open in new tab

Download [126.84 KB]