Caya Grandi ta sali di un reto pa otro

Desde cu gobierno a pone cierre pa luganan pa motibo di Coronavirus, e situacion aki a afecta entrada di negoshinan. Pa Star Fashion Boutique esaki a cuminsa afecta nan na momento cu hendenan a spanta p’e situacion. Esey a pone cu nan no tabata cumpra mas, aunke cu e empleadonan mes tabatin miedo di kico lo por pasa.

E situacion aki a sigui afecta e comerciantenan di Caya Grandi, pero di basta tempo caba nan ta afecta pa diferente cos. Star Fashion Boutique ainda t’ey pasobra, Solanys Quintero propietario di Star Fashion Boutique hunto cu su casa ta fungi como empleado pa asina tin menos gasto.

Caya Grandi ta sali di un reto pa otro

Caya Grandi ta sali di un reto pa otro. Click link pa mas https://24ora.news/2M5nQJc

Posted by 24ora on Wednesday, May 27, 2020

Ta cos cu hende no sa di Caya Grandi tabata casi pa muri. Hopi negoshi a cera su porta aña pasa y otro añanan anterior. Diferente cos a pasa cu no a busca solucion pa nan. Normalmente situacion asina aki ta pa nan cera negoshi, segun Quintero.

Pa Star Fashion di haci e cambionan tabata hopi facil y niun hende no por keha. Pa tin un flecha den negoshi no ta costa hopi, pasobra e ta algo cu un hende mes por haci’e. E ta un cos cu no ta pa nan mes, pero ta un proteccion y e ta hopi bon. E no ta algo cu a tuma nan hopi tempo pa haci. Pa ora drenta e negoshi, na entrada tin alcohol, hand sanitizer y e flecha pa giua. Hendenan gusta esey hopi, segun Quintero. Un otro cos cu nan a haci ta traha nan mesun mondkapje, pero cada persona traha cu loke nan tin. “Si bo ta stima bo negoshi y kier bay dilanti, bo ta haci tur cos den bo alcance pa sali padilanti,” el a bisa.

E situacion actualmente ta malo, pero antes tambe e tabata malo. E ta purba habri e negoshi 8 ora pa dia. E no sa con futuro lo ta, pero semper kier bisa algo positivo. Habri frontera y por ta hende cu placa por bin Aruba, di cual por ta lo tin un futuro maraviyoso, segun Quintero. Tin cu cuminsa drecha cosnan chikito cu mester drecha y keda trankil, purbando pa sali dilanti. E situacion a cambia hopi tempo pasa cu ningun negoshi por bira miyonario.