Aruba Hotel & Tourism Association (AHATA) a acumula e cifranan di ocupacion y prijs di hotelnan tur luna y na luna di September ultimo ocupacion a cay cu no menos di 83%. E ocupacion na hotelnan tabata 13.7%, compara cu 79.5% aña pasa, cu ta representa un recuperacion di unicamente 17%.
E balor averahe di cada camber bendi den September a subi cu 8% pa yega un averahe di $231.46. E entrada averahe pa tur camber disponibel (RevPAR) tabata solamente $31.65, representando un reduccion di 81% compara cu un aña pasa.
AVERAHE 2020 – PROME 3 KWARTAAL
E ocupacion averahe di e prome 9 lunanan di aña 2020 ta 27.5%; cu ta representa un reduccion barbaro di 68% compara cu e
mesun 3 kwartaal di aña pasa. E medida principal pa industria di turismo, esta e entrada averahe pa tur camber disponibel (RevPAR) ta $95.53 pa e prome 9 luna di 2020. Esaki ta traduci su mes den un reduccion di 61% compara cu aña pasa.
PROYECCION
E proyeccion actual pa ocupacion di hotel ta: 18% pa October, 25% pa November y 35% pa December. Expectativa pa aña 2021 ta un ocupacion averahe di 45%.
TIMESHARE
E propiedadnan Timeshare ta experienciando un ocupacion mas halto cu hotelnan durante recuperacion di turismo. Na september ocupacion averahe tabata 26% y proyeccion pa October ta di 38%.
E hotelnan miembro di AHATA cu a participa den e investigacion aki ta Amsterdam Manor Beach Resort, Barceló Aruba, Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba, Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park, Renaissance Aruba Resort, The Ritz-Carlton Aruba, RIU Palace Aruba, RIU
Palace Antillas y Talk of the Town Hotel.
Hotelnan Timeshare miembro di AHATA ta Divi Aruba Phoenix, Divi Dutch Village, Divi Village Golf, La Cabana, Marriott Ocean
Club y Marriott Surf Club.
