Despues di a scucha e noticia preocupante di e falta di fondo cu fundacion Ban Uni Man Pa Cria Nos Muchanan ta enfrentando, Aruba Hotel & Tourism Association (AHATA) a haci un donacion pa yuda e fundacion. E suma duna lo yuda e fundacion sigui sostene e cantidad di muchanan cu ta inscribi cerca nan.
Mientrastanto, presidente y CEO di AHATA,Tisa LaSorte, lo sinta cu directiva di e fundacion pa discuti e forma cu AHATA por sostene nan di un forma structura.
Como cu AHATA ta un organisacion di dunado di trabao cu ta traha pa e sostenibilidad di turismo y economia di Aruba, un parti grandi y esencial ta pa sigura un bon educacion pa nos muchanan. Ta hopi importante pa cada mucha come un bon desayuno pasobra e ta yuda e mucha su capacidad pa concentra y siña miho.
