Miembronan di Parlamento, Giselle McWilliam (Corsou), Ady Thijsen (Aruba) y Sarah Wescot-Williams (Sint Maarten) ta forma parti di un delegacion socio politico bishitando Nacionnan Uni na New York e siman aki. A palabra temanan actual cu tin di haber cu Reino, pero tambe temanan internacional manera migracion, cooperacion pa desaroyo, misionnan di paz, libertad di creencia, trafico di hende, y violencia sexual.
E delegacion ta consisti tambe di entre otro miembronan di Tweede Kamer (entre cual e vocero di relacionnan di Reino di ChristenUnie, Stieneke van der Graaf), miembronan di Eerste Kamer, Parlamentarionan Europeo y represenantenan di e organisacion VNO-NCW.
E bishita ta den cuadro di un miembresia temporal di Reino na e Conseho di Siguridad di Nacionnan Uni.
