E reunion den Parlamento caminda cu lo bay ricibi un update di Gobierno riba e tematica di Serlimar lo ta na Augustus, pero no tin un fecha ainda, segun presidente di parlamento Ady Thijsen.
Debate riba su mes ta algo bon, y den e caso aki, e tema. Thijsen a menciona cu ta bay ta bon pa por dialoga, debati cu ministernan y por mira kico ta miho pa e pueblo aki. E ora por mira si e stelsel cu ta bay bin cun’e lo ta esun miho y tin su dragvlak. E minister mester dragvlak pa e por haci cambio. Aunke e ta cay bao di su competencia, e no mester bin pa cambia landsverordening. Si comunidad no haya esaki bon, semper parlamento por yama un minister aden, debati cun’e pa wak kico ta miho.
Den e caso aki, na Augustus ta bay topa cu minister cu e minister di Infrastructura y medio ambiente y lo wak con e ta. E ta conta pa tur minister. Ministernan di MEP, ministernan di POR y minister di RED.
Balor di reunion
E minister a bisa cu tur loke a cambia pa loke ta e tarifa di pago, ta e fecha. Pero segun Thijsen, ta e minister su opinion. Minister tin su plan, su pensamento. E ta pensa cu tal cos ta miho. Pero tin parlamentario ta pensa cu esaki no ta e miho, sino un otro pensamento. Pesey tin e constitucion. Pesey tin un parlamento. Pesey ta yama e minister aden pa asina debati cun’e wak kico ta miho. Esey mester ta posibel. Dia cu parlamento no por haci esey, e ora nos ta biba den un otro mundo cu no ta democracia, Thijsen a termina bisando.
