Tabata algo prome cu 2:00PM ora cu un adicto ambulante cu bleki “spuit” den man a skirbi diferente caminda ariba muraya y bentana e mensahe: “Vota wet WEL”. Edificio di Registro Civil/Censo tambe a sufri daño di vandalismo di conocido “Mexi Lont”.
Polis a presenta pa atende cu e persona femenino ambulante aki, ora el a mira Polis el a core drenta Paris Restaurant, bay den baño y kita su paña. Un Polis femenino a atende cu ne y a deten’e. Ora cu a sali cu ne na boei, el a duna un mensahe na prensa: “Vota wet WEL”.
Transporte Policial a sali di Warda di Polis kende ta algun cien meter leu di unda el a comete e vandalismo aki. Un funcionario publico di Censo a entrega keho contro Lont pa vandalismo ariba edificio publico.
