Awe mainta pa 08.05 am a sosode un accidente, den cual dos pickup a dal frontal den otro na Kudawecha. E prome unidad di polis cu a yega na e sitio a constata cu tabatin herido serio y hasta cu a keda pega den e vehiculo.
Mesora a pidi pa asistencia di bombero y ambulance cu a yega cu maximo urgencia na e sitio di acidente.Pero lamentablemente ora a yega, a topa cu un homber sinta den su pickup y cu no tabata duna señal di bida.
Pa 8:55 am dokter Texier a constata constata morto di Adan G. Urdaneta-Contreras, naci na Venezuela dia 7 di december 1980. Pues, antayera a caba di cumpli 42 aña di edad.
Specialista di trafico como tambe polis forensico a presenta na e sitio pa haci nan investigacion. Tur cos ta mustra cu, ambos truck di un tamaño grandi, a core poco memey di caminda, cu consecuencia cu a dal den otro frontal. Un di nan ta mas grandi cu e otro, cu consecuencia cu e impacto a resulta fatal pa e chauffeur den e otro pickup, di cual su curpa parti abou a hasta keda pega den e pickup.
No tabata necesario tuma curpa den beslag, pa cual a laga e curpa disponibel pa famia por dera. Condolencia y hopi forsa den e momentonan dificil aki.
