Universidad di Aruba ta haya importante pa reconoce studiante pa logronan academico y alabes otro cualidadnan manera, esfuerso, gusta yuda, bon actitud, liderazgo, tutoria, y colaboracion cu UA como tambe comunidad di Aruba. E cualidadnan aki ta engrandece confiansa propio, ta duna sentimento di logro, y ta genera respect den un grupo di compañe. Un sentido asina di logro ta stimula mehoransa. Un biaha mas, Universidad di Aruba a reconoce un grupo di graduado kendenan a sobresali danki na un investigacion exhaustivo y tesis cu ta sirbi como herment pa maneho. Nivel di educacion ta ilustra den nivel di investigacion y tesis y esaki ta motibo tambe pa kico tur aña Universidad di Aruba ta organisa e ceremonia di ‘Student Award’ cu ta conta tambe cu sosten di diferente compania cu ta patrocina e reconocimento.
‘Office of Student Affairs’ y ‘Office of International Affairs’ di Universidad di Aruba ta implementa un ceremonia pa reconocemento di studiante. E meta ta pa curasha studiantenan pa desaroya nan habilidadnan personal y profesional door di ta activamente envolvi den comunidad di UA y comunidad di Aruba en general.
Lista di studiantenan Embahador
Genisha Thijzen, Faculty of Law (FdR)
Genisha ta un tremendo ayudante di Tienda di Ley na unda e ta asisti cu tuma contacto cu cliente, division di casonan, preparacion y supervision di e proceso di acesoriamento y hopi mas.
Marie-Jaindrah Gomez, Faculty for Finance, Accounting & Marketing (FEF)
Un berdadero representante di FEF, pa dos aña sigui e tabata e representante di studiante, y semper e ta cla pa yuda e facultad durante actividad promocional.
Marilynn Hermans, Organization, Governance and Management (OGM)
Marilynn semper ta apoya studiante- y miembronan di staff, actualmente Marilynn ta na Hulanda, pero ainda e ta sostene OGM como embahador di leu. “OGM pa semper!”
Megan Thijsen, Faculty of Hospitality, Tourism and Management Students (FHTMS)
Megan su crecemento como studiante y persona ta admirabel. Ela demonstra varios aspecto di su habilidadnan di liderazgo y semper tabata dispuesto pa representa su facultad.
Alexandra Ulacio, SISSTEM
Alexandra a demostra cu e por ta un lider den sostenibilidad. El a defende introduccion di e prome club di ingeniera di desaroyo sostenibel na Universidad di Aruba, yama SYNERCY.
Elinne Telting
Elinne Telting (OIA) Ta un studiante cu semper ta cla pa yuda tur studiante di exterior y yuda promove e Office of International Affairs.
Charley van Eer, Academic Foundation Year
Charley van Eer a bin AFY pa reta su mes. El a traha duro pa desaroya su confiansa, y su habilidadnan di papia den publico pa bira e representante di studiante pa e klas y e orado pa e ceremonia di apertura, ganando hopi elogio pa e speech cu el a presenta. harley a brasa e caracter interdisciplinario di e programa di AFY totalmente door di registra pa un gran variedad di curso incluyendo ‘Coasts Compared’.
Keanu Maduro, Social Work & Development
Keanu ta un studiante activo cu ta participa y apoya diferente actividadnan, entre otro Discurso di Motivacion durante e Anochi di Motivacion di SW&D, ‘Sociaal Economische Raad Jubileum’, ‘Psycho-drama Workshop’, ‘Insight’ 2 y CEDE Barionan Unico.
Lista di ganadonan di ‘Student thesis award’:
– Janice Biesum, FDR
Janice a ricibi e Van Eps scriptieprijs riba 29 September 2022
– Genesis Toloza Solano, SWD
E programa di Trabou Social ta orguyoso di ofrece Gensis e premio aki. E topico di investigacion di Genesis tabata “Bida durante un Pandemia: Un analisis di e impacto di Pandemia Covid-19 riba huurdonan principal di cas di huur di Fundacion Cas pa Comunidad Arubano y Instrumentonan Integral pa Alivia su consecuencianan.”
– Stephanie Wernet, OGM
Stephanie a demostra berdadero resiliencia. Stephanie tabata un studiante cu ta traha cu diferente responsabilidad y apesar di su schedule yen, semper e tabata haya un manera pa presta lo miho cu e por. “Si bo kier, bo por!”
– Tracy van der Biezen, SISSTEM
Tracy ta un individuo consciente. Su seriedad di proposito, inteligencia y iniciativa pa desaroyo sostenibel ta di gran balor.
– Dailinis Rossy Toro Maldonado, FHTMS
Dailinis a presenta su tesis ‘Factors Affecting Healthy Food Intake among University Students’ cu un score di 93. El a haci esaki durante su stagiaire na Hotel Hilton. E tabata asina exitoso cu mesora el a wordo tuma den servicio como empleado full-time.
– Rodney Danje,FEF
Rodney Danje tin e miho tesis. El a investiga sin meta specifico e testnan di prueba na AZV cu ta midi te unda e pagonan haci door di AZV pa cubri keho ta hustifica.
Ellis Suares, un studiante cu no solamente ta encabesa e UA Sport team, pero semper ta cla pa yuda otro studiante y colabora pa promove nos Universidad. Un studiante ehemplar como colega, tata y colaborador
Banda di e studiantenan, dos organisacion estudiantil a ricibi un premio tambe, cual tabata Aruba Leo Delta Club.
Noctua: Grupo di studiante jong entusiasma motiva pa rebiba e marca FHTMS, door di disfruta y participa na actividadnan
UA Sport Team:
Prome cu finalisa e anochi, Clementia Eugene y Chris Kross a dedica e “brand story” di Universidad: “With the University of Aruba, #UAchieve” den un forma espectacular.
Finalmente, masha pabien na tur studiantenan y danki na e comision organisatorio di Student Award Ceremony 2020-2021. Un danki di curason na tur nos sponsornan:
Ernst& Young, SETAR, RBC Royal Bank, de Palm Tours Aruba, Gianni’s Group.
