Diasabra tabata tin un dia festivo pa Stichting Ambiente Feliz San Nicolas. E tabata un dia hopi druk, mirando cu a planea e dia aki den un tempo hopi cortico. Pero nan ta super agradecido pa tur esunnan cu a participa.
Giandra Oduber di Stichting Ambiente Feliz San Nicolas a bisa cu e evento aki tabata un evento prepara specialmente pa nan clientenan. Pa e clientenan esaki sigur ta algo grandi mirando cu pa nan no ta facil pa nan bay un concierto, door cu varios di nan clientenan ta personanan cu discapacidad. Pero pa nan ta mas c’un placer pa ricibi e concierto aki riba un dia special.
Mas aleu, Giandra a sigui bisa cu pa loke ta e artistanan, Ambiente Feliz tin un rutina tur mainta. Ora cu nan ta den e sala, nan ta toca cantica di diferente sorto di artista. A base di esaki nan tin un idea di kico nan clientenan gusta, pa cual nan a acerca e artistanan aki pa bin presenta, un of dos cantica.
Pa un relato mas extenso, lesa TREMPAN.
