Un descubrimento amargo awe mainta. Trahado a yega pia di trabou pa bin topa cu realidad amargo cu nan a bay cu diferente material di construccion.
Den careda di 9:30 am ta pidi presencia di polis pa bin atende cu un caso di ladroncia den un area di construccion na Eagle. Esaki ta net banda di pista di Karting. Edificio comercial den contruccion a haya bishita di antisocial (nan) den ora di marduga y bay cu un lista di ekipo, entre otro garetia, herment pero pa nan sorpresa no ta unicamente esey a disparce.
Na momento di chekeo a bin tuma nota cu e trucknan di compania tambe tabata den e fiesta di e ladron. Dos di e trucknan ta falta bateria y por a ripara cu nan a saca e diesel tambe den e tankinan. Un di e empleadonan a duna declaracion na polis pa asina cuminsa investigacion.
