Movecion ta importante pa hiba un bida saludabel. Esaki ta algo recomendabel pa tur edad, di chikito te cu grandi. Cu esaki den mente, a lansa e proyecto Hunto Grandi Grandi Hunto cua lo culmina den dos proyecto yama Aquafit y Aquacycle pa adulto mayor. Iniciativa aki ta un esfuerso realisa conhuntamento cu Aqua Windies.
Rosa Leon, lider di e proyecto Hunto Grandi Grandi Hunto a splica cu Aquafit lo cuminsa diahuebs otro siman y Aquacycle riba diasabra otro siman. Aquafit ta un sorto di aerobics riba un ‘tempo’ mas slow mirando cu e ta pa adulto mayor, pues esunnan di 50 aña bay ariba por inscribi pa esaki.
Esaki lo encera tambe cu nan lo mester haci diferente movecion bou di awa y esaki ta yuda los e curpa. Leon a sigui splica cu e aquacycle ta un sorto di ‘spinning’, pero bou di awa tambe.
Pa participa den esakinan por yama na 641 9272, pa cada les e inscripcion ta limita na diesdos persona pa cada les. Costo normal pa esaki ta 150 florin pa luna, pero debi cu esaki ta forma parti di e proyecto Hunto Grandi Grandi Hunto, e lo ta na mita prijs. No tin ningun rekisito pa por participa den esaki, “djis bin cu bo zwempak…y bo ta cla pa bay.”
Pa un relato mas amplio lesa edicion di TREMPAN.
