Diaranson den oranan di marduga tabatin un accidente cu a tuma luga riba parkeerplaats di Citgo Tanki Leendert unda cu alcohol probablemente a hunga un rol.
Patruya cu a yega na e sitio a topa cu dos vehiculo y segun e informacion cu a haya eybou ta mustra cu e chauffeur di un Chevrolet shinishi a reverse y a dal den un Suzuki shinishi tambe. A combersa cu ambos chauffeur pa tuma nan version di e sucedido.
Dado momento e Polisnan a haya ta necesario pa laga chauffeur di e Chevrolet supla, pero despues di varios intento esaki no a duna resultado. E no por a supla drechi den e aparato pa cual Polis a detene y transporte pa warda pa haci otro test.
