Algo pasa di 11:15 di anochi, patruya di playa a ser dirigi riba e caminda di ponton un poco mas pazuid di Wing Hung Bar Restaurant.
Eynan un auto a dal den palo di lus. Na yegada di e patruya a bin topa cu e accidente cu dos auto envolvi. Na prome instante a drenta informacion cu un auto a dal den palo di luz. Polis a bay chek kiko exactamente a sosode. Polis di trafico tambe a presenta na e sitio pa asina investiga kiko a pasa . A bin saca afo cu e un di e autonan tabata bay direccion Noord y otro direccion Zuid. Un di nan a bay den robez y dal frontal. E autonan envolvi ta un Suzuki Baleno color berde A-64020 y e otro ta BYD color blanco A-66413. Den casa auto e chauffeur a keda herida. Uno tabata un dama y e otro un cabayero. Nan no ta grave pero ambos a wordo hiba hospital den dos diferente ambulance. E autonan a keda hopi kibra. Bomberonan tambe a duna un man den e desgracia.
