Diabierna a tuma luga inicio di campeonato di ABV 2021/22, despues di un temporada cu tabata dificil pa organisa.
Segun presidente di ABV, Randolf Lacle, mester a stop esun prome na maart 2020 y no por a hunga full un campeonato, hungando na un forma mas adapta.
Lo purba toch di cuminsa cu un campeonato completo cu dos rond di play-off. Diabierna oficialmente ABV a cuminsa cu su campeonato.
Manera ta custumber, tur aña ta honra algun baluarte, personanan cu a haci hopi trabao na futbol. A scoge pa Richard Jacobs, Denchi Werleman, Ernst Mohammed como referee y Andres Garcia pa su trabaonan como dirigente di La Fama.
Por ultimo Lacle a menciona cu no ta cla cu COVID ainda. Ta pidi tur hende pa duna di su parti pa por combati e pandemia aki, p’asina tin un campeonato cu un bon final y pa ora cu e final yega pa no tin restriccion y pa por tin un stadion completamente yen.
