Diasabra mainta na Huamei Supermarket banda di Postkantoor na Playa, un pareha cu a horta diabierna atardi, sin cu a gara nan, a dicidi pa bin un biaha mas y a purba nan suerte.
Nan no tabata sa cu e doño a mira nan den camara anochi laat, pero no a logra gara nan. Pero e biaha aki si nan number a hunga. Awo cu nan a drenta pa di dos biaha, e doño a bin reconoce nan y a confronta nan, saliendo cu un pal’i basora riba nan.
Durante e confrontacion e doño a kibr’e tas cu e pareha a bin cu ne pa hinca cos den dje. Nan a laga un tas preto atras. Durante e proceso e doño a tuma contacto cu polis pa asina cuminsa cu nan investigacion pa pone man riba e duo aki.
