Dialuna atardi a cuminsa un buskeda relaciona cu un mucha perdi. Famia a publica riba Facebook cu un hobencita di ocho aña ta perdi for di 5:30 pm. Ultimo cu a mir’e ta den area di Cura Cabai 124 F, cerca di Wendy’s. A notifica polis di e caso pa cual a mobilisa diferente patrauya pa yuda busca e mucha.
Varios conoci di e famia a uni hunto y na pia tabata busca tur rond den bario pa e hobencita. Despues di mas o menos cuater ora a localisa e mucha na cas di bisiña. E mayornan tabata contento ora a topa cu e mucha. Polis a tuma tur informacion necesario pa documenta e caso aki.
