Dia 10 di Februari, lo bay tin e Trail Run Hoka One One Aruba Walk & Run 2019, organisa pa Viper Strong Aruba y ya tin varios hoben cu a ricibi nan ticket patrocina.
Romar Arends, kende ta representa Viper Strong Aruba, a comenta cu nan a haya dos ticket sponsor pa Total Service y tambe Tri-Bike. Cu e ticketnan aki, door di Maria College MAVO, a selecta e muchanan door di un One Mile Run Test. Tur mucha di 14 aña, a core mas duro cu nan por. E ganadornan a resulta Alerick Kock y Tamara Mayer.
Training
E muchanan escoge, door cu nan ta mucha, tin di nan tin talentonan scondi. Manera Tamara Mayer ta un di nan. E ta un tenista. E ta hopi activo riba su mes caba. Compara cu Alrick Kock, e ta un coredo caba. E ta conoci rond na Aruba den mundo di atletismo. E tin talento caba. Talento cu training ta pone yega na unda cu e ta awor aki. Ta spera pa Tamara den futuro por logra haya un pasion pa atletismo (coremento) y por ta por wak’e den futuro den mundo di Atletismo.
Invitacion
Arends ta invita tur e coleganan di e dos hobennan aki y tambe di tur e scolnan na Aruba, amigonan, famia di e muchanan cu a wordo selecta. Bin presencia e evento aki, cu lo tuma luga na Cunucu 297 na Rooi Taki y patrocina pa Total Service y Tri-Bike, organisa pa Viper Strong.
