Awe nochi 10:22 pm un avion Air Ambulance a sali for di Aruba rumbo pa Bucaramanga, Colombia. Den dje un pashent cu tabata den e unidad di cuido intensivo na Aruba cu retonan serio di pulmon. E ta den coma y mester di intervencion urgente cu na Aruba ta dificil pa por dun’e.
Na Colombia si nan tin ekipo y experiencia pa atende cu pulmonnan cu a bay atras den un estado asina critico. Aki dokternan a bisa cu oracion so lo por yud’e, pero asina mes a busca sosten di Colombia, a regla tur cos den pura, t’e cu e pashent a sali pa busca un di dos chens di biba.
Tur cos a cuminsa riba un diamars, dia 13 di april ultimo, ora cu e homber Antonie Osvald Maduro, miho conoci como Osvald of Oscar, a bisa su casa cu e no ta sinti su curpa bon y cu e no ta sinti smaak di nada ni ta hole nada. Su yiu a haci un afspraak pe pa haci test di Covid-19 y e mesun atardi su test a sali positivo.
Pa mas informacion, detaye y entrevista cu famia, lesa e edicion di TREMPAN di awe.