Un dia na lama a caba malo pa un grupo di amigo. Un poco mas e lo a resulta den un caso di maltrato tambe.
Poco prome cu 7or di anochi maneha pa un homber coriendo riba Avenida Milio Croes y a bira pa drenta Pedro Gallegostraat.
Den e bocht e chauffeur bou influencia a perde control y a bay dal den structura di hero pega riba un edificio y ranca esaki completo. E chauffeur a sigui core pero e Van cu un trahado a sigui e jeep y blokia esaki net na un cas algun 100 meter mas pabou unda un di e ocupantenan ta biba.
A cuminsa un discucion unda e grupo a saca un tubo grandi pa dal e empleado. Nan ta acuse di a mishi cu un di e mucha muhenan. Testigo a bisa cu esey no ta berdad. E empleado na su turno a saca un martiu grandi pa defende su mes. Den tur discucion a yega tres patruya cu a intermedia.
No tabatin herido, pero a detene e chauffeur y e auto a bay cune.
