E atakenan ta di tur banda. Un conclusion tin. Trudy Hassel mester bay pasobra e ta un problema unda cu e traha. Esey a keda demostra na Aruba y pafo di Aruba. A mira con Trudy Hassel ta intimidando trahadornan na Guarda Nos Costa y bay asina leu di hiba un man yen di trahado pa papia bon di dje cerca minister. Trudy Hassel ta hinca algun trahado den oficina y hunto cune yama cierto noticia di radio liga na gobierno pa contradeci e mayoria di trahado y tambe e cantidad di testimonio publico di hendenan cu a ser trata den forma inhumano. Un campaña a la POR. Net prome cu e fin di siman aki Trudy Hassel a core laga haci limpieza pa asina invita prensa di gobierno bin haci reportahe graba cu video. Atrobe e ta trece informacion pa haci comosifuera e ta miho hefe y ta duna e miho trato.
Mester a laga e hendenan cera eyden tambe papia y nan lo a bisa ken ta Trudy Hassel. Tur hende man na cabes ta haci limpi pa asina na Guarda Nos Costa cos mustra bunita y graba video pa gaña wowo di pueblo. Djey a bin conta henter un storia pa aparenta como e miho hefe di mundo. E sa cu mayoria di trahado a firma contra dje. Ken cu bandona Guarda Nos Costa ta conta con inhumano e ta trata hende. Trahadornan ta cuestione tambe pa trato inhumano. Andin Bikker como minister di Husticia so ta kere den dje ainda. Andin Bikker como mandatario ta un problema riba su mes cu tantisimo problemanan cu tin den ministerio di husticia. Despues di e reunion cu minister hunto cu SEPPA, e intimidacion ta continua na Guarda Nos Costa. Trudy Hassel ta kera persigui esnan cu a firma contra dje. Nan a firma pa e trato inhumano, pa mal maneho, pa e mal forma di trata hende y tortura su mesun trahadornan y esnan cera eyden.
Tambe e carta firma pa mayoria ta riba e asuntonan personal cu Trudy Hassel ta haci. Laga trahadornan busca yiu cu auto di dienst, e yiu ta pasa henter dia den Guarda Nos Costa y hasta den ruenionnan confidencial. Tur dia ta hiba trece yiunan na trabou etc y tur e cosnan aki no ta e ehempel cu un hefe mester duna. Si un trahador hacie e ta den problema sigur. Awor cu e intimidacion ta sigui, un biaha mas e trahadornan disgusta ta buscando atencion di e minister. Esnan cu a firma awor ta victima di intimidacion keto bay. Pesey mes SEPPA ta bolbe na porta di gobierno y dialuna atardi 4or tin otro reunion cu e trahadornan intimida cu SEPPA pa atende e asunto. Un bon conseho ta pa laga Trudy Hassel bay cas cu Vervroeg Pensioen y asina tur departamento, entrenan Cuerpo Policial ta libra di dje. E cumpra su auto personal cu gasolin di su saco pa asina tur dia lanta mainta hiba yiunan trabou etc. Awor aki Trudy Hassel ta un problema pa tur hende cu a traha bou di dje y un gasto inecesario pa pueblo su finanzas. No ta pornada Trudy Hassel unda cu e bay ta zorg pa su stul keda habri na KPA. Pasobra e sa cu ningun caminda e ta sirbi pa traha.
