E anticipacion pa e di 5 e-Aruba Seminar ta hopi halto. Mayoria compania a forma nan grupo y lo ta presente pa scucha for di diferente oradornan di Zappos/Amazon, Linkedin/Gil Media, L’oreal y otronan. Topiconan manera social media, entrepreneurship, customer service y mas lo ta central. Tur e oradornan a yega for di Merca caba y mester menciona cu no a resta mucho entrada mas. Ainda tin algun na benta na e customer service di Superfood of online via www.e-aruba.com. E mainta ta cuminsa pa 8 or cu e oportunidad pa cumpra algo di come/koffie y network. Pa 9 or e prome orador lo cuminsa. Ta recorda pa no parkeer auto riba acera den vecindario di L G Smith Boulevard. Riba e foto por mira e oradornan durante nan cena di yegada. 
