Diamars anochi algo pasa di 7:00pm a manda un unidad di Strandpolitie pa rescata un mucha di alrededor di 12 aña di edad cu a cay y saca rudia for di luga. E mucha tabata landando den area di toren pariba di Riu Palace Antillas. Di atardi e mucha lo tabata landando hunto cu famia, ora cu e la herida su mes. Polis a haya ayudo di un bon samaritano a logra trece e mucha bek sano y salvo canto di lama.
Dos homber cu ta traha cu watersport te laat a caba na ultimo tour a a yuda Polis pa rescata e mucha. E mucha tabatin hopi dolor na su pia. Ambulance a yega y hunto cu un polis, un persona di ambulance a subi den boto di tube chikito y bay rescata e hoben.
Algun rato despues cu nan a yega toren a logra hinca e victima den boto pa asina por a hibe tera bek. Ambulance a tume over y transporte pa Hospital. Mayornan di e mucha na tera tabata hopi gradici na Polis pa e acto heroico.
