A pidi 14 aña di prizon pa asesino di Bodyguard di Minister

Awe Corte den Prome Instancia a cuminsa cu tratamento di e caso penal contra e sospechoso Ilbert Maduro, acusa di a asesina Harmond Girigorie dia 16 di october 2018. Abogado mr. Chris Lejuez a defende e acusado. Fiscal a pidi 14 aña di prizon pe. Hues lo evalua e caso pa dicta sentencia dia 7 di juni proximo.

ADV

Pa Fiscal, e tabata un asesinato horibel pero no por proba asesinato premedita. Pa pidi condena pa asesinato premedita mester proba cu el a sinta planea loke e ta bay haci. Pero esaki no tabata e caso. Si Ministerio Publico ta haya cu el a causa hopi daño na famia di e victima matando Harmond cu sanger friu.

E acusado den su defensa a papia di noodweer, cu e mester a defende su mes. Pero esaki, segun Fiscal, ta simplemente un storia cu el a inventa.

E acusado tabatin un revolver di 6 bala y tur a wordo uza di cual tres a alcansa e victima: un a alcansa e victima na su heup, un na brasa y esun fatal tabata tras di su cabes.

A acusado ta bisa cu e actitud di e victima pa e ultimo tres luna largo tabata molestia su amiga, a causa cu Maduro a actua di e forma aki, cu el a perde su cabes.

Comments

comments