Diabierna atardi, Yuri Bracho, compaña pa varios mama, tata y nan yiunan, como tambe hendenan cu ta sostene su manifestacion contra abuso di mucha, a entrega un manifiesto na tanto parlamento di Aruba, como Gobierno.
Sin embargo, tabata tin dos figura clave cu no tabata tey presente, kendenan ta presidente di Parlamento, Ady Thijsen y prome minister, Evelyn Wever-Croes.
Apesar di esey, e manifestacion a bay hopi bon. Ministernan a duna nan punto y aki un siman e lo haya contesta. E ta hopi satisfecho di e reaccion cu el a haya di tanto di e hendenan como e ministernan concerni. Por lo menos tin un fecha, cual ta dia 1 di Juni, cu lo bay tin cambio.
Yuri Bracho ta lamenta cu Ady Thijsen ni Evelyn Wever-Croes no tabata tey
Yuri Bracho ta lamenta cu Ady Thijsen ni Evelyn Wever-Croes no tabata tey, Click e link pa mas https://24ora.tv/2Jrq4U2
Posted by 24ora on Friday, May 17, 2019
Personanan clave no tabata tey
Manera cu nos a menciona, ni Ady Thijsen ni Evelyn Wever-Croes no tabata tey. Bracho a menciona cu nan a keda basta rato pa presidente di parlamento sali, pero e no a sali. A keda manera sorprendi cu esaki. En berdad, el a kere cu e por a sali y tuma e manifiesto, manera e ministernan di husticia y enseñansa cu a keda warda e grupo yega.
Parlamentarionan presente
Parlamentarionan Setty Yarzagaray di MEP y Mervin Wyatt-Ras di AVP a tuma e manifiestonan. Nan mes a purba di tuma contacto cu e presidente di parlamento. Na final ta nan mes a tuma e manifiesto.
Cambio di ley
Ta algo cu Bracho a haci’e riba su mes. Hopi hende ta papia riba Facebook y esey no ta duna un mesun reaccion compara si mester bay en persona. E ta gradici si tur esnan cu a presenta, entre otro muchanan di scol y tambe presidente di FTA, como organisacionnan. Esnan cu no por a bin, no ta nada, pero lo importante ta cu a cuminsa cu e prome paso. Aki un siman caba lo tin un contesta, cual ta dia 1 di Juni, segun minister di Husticia. Lo tin ley cu ta bay bin dilanti, cambio lo bay bin y prome cu aña cera, tur e cambionan aki lo bin.
Bracho por a scucha for di minister Otmar Oduber cu e prome cu a haya tabata esun di e dos muchanan cu e padrastro a asesina. Logicamente e sa di e caso aki y cu nan ta trahando y nan lo bin cu e cambio. E cambio lo bin, segun e minister a bisa Bracho.
Manifestacion lo sigui
Bracho a splica cu e ta cla pa warda su contesta aki un siman y si e no hay’e, nan ta cla pa bin bek bestuurskantoor dentro di 60 dia.
E idea
Dicon Yuri Brachi a bin dilanti cu e tema aki. El a splica cu el a bin dilanti cun’e, pasobra hopi hende a pidi’e riba Facebook. El a haya hopi mensahe, whatsapp, e tin hopi prueba di casonan. Tambe e tin caso di dje personal. No ta trata aki pa un solo hende so, pero tambe pa e otro muchanan. Tin hopi caso na Aruba. Ki sancion lo bay bin contra e trahadonan di Voogdijraad, cu ta bisa cu “t’abo a bin”. Esey tambe lo bay un sancion riba nan. Nan tin miedo cu Bracho tin prueba. Si no ta haciendo nada malo, no ta suppose di tin miedo.
Pakico mester warda mas tempo. Minister a menciona cu nan ta di acuerdo pa pone pedofielnan riba un website te ora nan bira grandi. Marcanan mescos cu e muchanan wordo marca pa semper.
