Diabierna algun minuut prome cu 7:00 di anochi polis a para un Chevrolet Spark color preto numera A-63742 net dilanti di Screaming Eagle restaurant. E agentenan policial a acerca e chauffeur y a pidi pa e papelnan di auto.
Na momento cu nan a ricibi e papelnan di auto, e agentenan a ripara cu e vehiculo no tabata tin nada na ordo. Tambe e chauffeur no tabata tin rijbewijs cu ne. Mesora polis a bay over na detene e chauffeur y a pidi pa e transporte policial. E transporte policial a yega y a hiba e chauffeur warda di polis.
