Durante un razzia awe tardi, Project Team Drugspanden di polis a confisca droga, placa cash y a detene 11 sospechoso. E detencion ta varia entre bendedo y cumprado di droga riba caya. T un negoshi masha lucrativo tabata andando, te ora cu a sorprend’e nan awe.
Project Team Drugspanden ta un ekipo cu polis a lanta pa investiga bendedonan di droga, miho bisa na hulandes “straatverkoop”.
Den e razzia di awe a detene e 6 sospechoso prome, cu ta cumprado di droga. Hunto cu ministerio publico y hues comisario a haci un entrada hudicial na un cas situa den Koningstraat
Aki e team a detene den total di 5 sospechoso:
• 3 hende homber di inicialnan K.Y.N. di 21 aña naci na Colombia, C.S.N. di 58 aña naci na Colombia, L.A.S.I. di 40 aña naci na Venezuela.
• 2 hende muhe di inicialnan M.F.G. di 58 aña naci na Colombia y L.S.C. di 37 aña naci na Venezuela.
Durante e entrada hudicial a confisca marihuana, cocaina y un suma di casi 5000 florin.
Diferente team special di polis, manera K9-unit, departamento tecnico di Cuerpo Policial y otro teamnan tambe a participa na e entrada hudicial aki.