Louis Curiel tin 73 aña y a bin cu e idea di organisa My Walk di 255 KM. E ta organisa e caminata aki cu un meta, pasobra den e tempo aki tin problema cu Covid, hopi sin trabou, muchanan cu ta bay scol sin desayuna.
Un conoci di dje a dun’e nomber di Fundacion ban duna man pa cia nos muchanan. El a bin cu e idea pa recauda fondo pa yuda nan, ya cu hopi mucha lo bay tin e problema di no desayuna mainta den e aña escolar nobo. Mas o menos tres siman pasa el a dicidi di haci esaki y a cuminsa train mas frecuente. El a cuminsa haci caminatanan mas largo di 10 of mas kilometer.
El a cana te Kooyman como un try-out y otro dianan ta pubra cana 5 pa 7 KM. E ta haci esaki pa wanta pa dia 16 di augustus proximo. Segun Curiel, e so a bin cu e proyecto pero su casa, amigo Kris y Natalie a dun’e hopi apoyo. E ta gardici cu nan apoyo, pasobra esey a pone cu su entusiasmo a bira mas grandi.
E caminata ta cuminsa pa 4:30PM for di su cas Sero Preto 5 y e final lo ta dilanti Ling & Sons, cual e ta calcula di yega pa 8:45PM. Si tin hende cu kier para band’i caminda pa apoya Curiel, nan ta bon bini pa haci esey. E apoyo di mas grandi ta e 10 florin cu por deposita esaki riba e 3 cuenta bancario di Fundacion ban duna man pa cia nos muchanan, Aruba Bank 2516290190, CMB 22589501 y RBC 43.65.011.
