Awe marduga pa 12:00am un trahado social a yega ward’i polis na San Nicolas pidiendo auxilio. El a splica e polisnan cu el a yega na su auto marca BYD y a hay’e completamente destrui den B. van de Veen Zeppenfeldstraat na San Nicolas.
Polis a bay den hanchi na San Nicolas y berdad a topa cu e auto cu tur su bentananan kibra y hopi sla na e auto. Parce cu un hende hopi rabia cu ne a haci e acto aki. E victima, un trahado social, a sigura di no tin problema cu ningun hende.
Polis a tuma e auto den beslag y a laga takel e pa ward’i polis na San Nicolas pa mas investigacion. E auto a haya hopi daño. Kisas camara di siguridad den area lo por contesta algun pregunta cu awo a keda como misterio.
