Desde cu e situacion di COVID-19 a presenta na Aruba, e nursenan na Dr. Horacio E. Oduber Hospital ta prepara pa cualkier incidente cu por sosode. Aunke cu a interna solamente algun pashent cu Coronavirus, e nursenan a traha extra duro pa cuida nan, bou condicionnan y aplicando protocolnan estricto, mientras cu otronan a sigui brinda cuido na pashentnan cu no ta contagia.
“Projection mapping” of tambe yama “video mapping” ta un tecnica di proyeccion uza pa ilustra obhetonan, hopi biaha den otro tamaño den un pantaya pa proyecta video. E obhetonan aki por ta panoramanan industrial compleho, manera edificionan of escenarionan teatral. Uzando software special, por proyecta obhetonan two-dimensional of hasta three-dimensional den un programa virtual, cu ta haci un mimica di e area real cu ta uza pa proyecta riba dje. E software ta traha den forma interactivo cu e proyector. E tipo di videonan asina hopi biaha ta bay man den man cu uzo di zonido pa crea un naracion audio-visual.
Como muestra di gradicimento a prepara un video mapping riba e edificio. Cu ayudo di Elite Productions a bin cu e show dedica na frontliners di Hospital. A invita nursenan di tur seccion, kendenan a presenta cu nan famia, pa mira e show. Cu sonrisa riba nan cara, e nursenan a gradici pa e bunita gesto aki.
