Pa prome biaha Colegio Santa Teresita a organisa nan eleccion di reina, cu a bay hopi bon. Guia interno di scol, Carolina Giraldo, a sigura di a keda masha contento cu tur esunnan cu a presenta, manera mayornan cu a apoya nan yiunan y cuba haci esfuerso pa prepara e disfrasnan carnavalesco. E tema durante e eleccion di Reina tabata di reciclahe.
P’e participacion na eleccion tabatin 2 grupo, un di onderbouw, esta di klas 1-3 y otro di bovenbouw cu tabata klas 4-6. Total a conta cu participacion di 8 reina. E scol a percura cu tur a haya un regalo chikito y un sherf.
E resultado di e eleccion ta:
- Princesita (onderbouw): Meliree Servani di klas 3
- Prome finalista: Wisha Jack
- Di dos finalista: Juviksa Gomes
- Miho speech, show y trahe: Merilee Servani
- Reina di bovenbouw: Nicolaina Vlanders
- Prome finalista: Ruthlene Buzon
- Di dos finalista: Zena Rodriguez
- Di tres finalista: Annie
- Di cuater finalista: Edilienne Nicolaas
Pa por a organisa un evento asina grandi, a gradici e docentenan, comision di carnaval, mayornan y alumnonan cu a participa. E actividad tabata gratis y tur hende cu a presenta pa apoya un di e participantenan, danki pa boso sosten.
Tur aña e scol tin eleccion di reina of prins y pancho, di cual e prins y pancho di aña pasa a elegi e reinanan. Ta pensando pa otro aña organisa un eleccion pa ambos, pues Prins cu Pancho pa mucha homber y Princesita/Reina pa e mucha muhenan.