Diabierna Santo den oranan di merdia e polisnan controlando e zona turistico a detene un homber. Aki ta trata di e homber fam B naci na St Maarten pero biba na Aruba. Polisnan a mire ta huma manera ta algo masha normal. Pa colmo den e zona cu tin basta turista riba beach banda di Palm Pier. A acerke y su comportacion a laga hopi di desea. Wrong and strong.
A detene y bay cune warda. Na yegada ainda e tabata papia fresco cu Polis y expresa su mes ora di entrada na warda den forma menazante. Polis a tuma tur su datosnan y despues subfiscal a lage bay. Awor e ta den e sistema y mas biaha ora topa cune moviendo den zona turistico lo tira wowo pa e movecion cu droga den e area turistico. Hopi biaha turistanan ta keha cu tin basta molester di benta y uso di marihuana riba beach. Pesey Polis ta actua mesora na momento cu mira figuranan asina.
