Polis a presenta pa segundo bes na un adres na Savaneta pa un problema di pareha cu na final a caba cu dos persona herida. E victima femenino a ricibi sla formal na cabes y a transport’e cu ambulance pa hospital.
Segun testigonan den e area, e discucion tabata andando for di anochi caba. A pidi presencia di polis un prome biaha, pero tur cos a caba trankil segun a kere. A resulta cu esey no tabata e caso. Mainta trempan ta habri cu ta bolbe pidi presencia di polis na e sitio y e biaha aki si e situacion tabata hopi mas serio.
Den careda di 8:00 am ta yega na e adres na Savaneta y ta bin haya dos persona herida. Segun por a compronde, den tur e agresion tumando luga tabata tin un cuchiu cu ta insinua cu a uza pa hinca e agresor cu ne na su pia. E herida ta bou su plant’i pia.
A detene a homber na sitio pero a transport’e pa ImSan mirando cu el a resulta herida. Un rato despues por a mira cu a hinc’e bek den a vehiculo di transporte direccion warda di San Nicolas p’e duna cuenta di su actonan.
