Diasabra atardi algo despues di 4:00pm a sosode un accidente na atura di e veld di Rooi Afo cu un auto marca Toyota modelo Yaris color cora cu number A-70848. E auto, pa un of otro motibo a baha caminda y kibra un cura di cas.
Na yegada di e patruya di Polis, a topa cu e chauffeur cu un lenga pisa y holor sterki di alcohol. A lag’e supla pa midi e nivel di alcohol den su rosea. Mientras cu e nivel acepta di alcohol den bo rosea ta rond di 200 ug/l, e chauffeur aki a supla 800 ug/l.
Mirando e orario, ta hopi obvio cu su trip a start di trempan, pero a caba na e momento ey tambe. Polis a detene y hib’e Warda di Polis pa present’e dilanti un Fiscal Auxiliar pa dicidi si ta encarcel’e.
Ta bon pa splica cu, hopi biaha, ora chauffeurnan tin e tipo di nivel di intoxificacion cu alcohol den nan sistema, cu Fiscal ta opta pa kita nan rijbewijs te dia e caso bin dilanti Hues. Ey un Magistrado lo dicidi riba bo futuro participacion den trafico.
