Diadomingo marduga pa mas o menos 4:00am a sosode un accidente riba e caminda entre rotonde di Sasakiweg y Eagle Beach. Probablemente velocidad halto a hunga un rol, cu a pone e chauffeur perde control riba stuur y bolter cu e auto.
E chauffeur mes a yama Polis pa asistencia, pero na e sitio no a desea atencion medico. El a bisa di ta sinti bon y no mester bay haci checkup na Hospital.
E daño material ta considerabel. Road Service a keda atende cu e chauffeur pa regla un ke otro cu seguro.
