Algo pasa di 8’or di mainta diasabra, polisnan Motoriza a topa cu un Mini Cooper color cora numera A-2118 riba caminda. E chauffeur tabata coriendo cu velocidad halto y malo riba caminda. Mesora e motor unit a sali bay su tras y cerca di e brug nobo el a wordo para y a pone e manehador baha for di e auto.
A pone e chauffeur supla y a constata cu el a pasa e limite stipula pa ley. Den e caso ey, e tabatin mas cu 220 ugl di alcohol den su rosea. Esey ta mas cu 3 pa 4 bebida alcoholico bebi.
A detene na e sitio y su amigo mester a bay cu su auto. Mientrastanto a solicita transport wagen di Santa Cruz pa asina transporte pa warda di Polis na Santa Cruz.
