Habitantenan di Emmastraat banda di 4or diadomingo marduga a scucha un zonido fuerte. Nan no a worry masha. A sigui drumi pero mainta ora a sali a mira cu rib’un pida tereno habri tin un Nissan March sin number riba dje y kibra dilanti. E auto ta envolvi den un accidente den mesun caya. E chauffeur a sigui stret rib’e T-Weg cu ta caba den Emmastraat y dal den un pal’i luz.
E palo di lus a haya daño. Polis di trafico a presenta na e sitio mainta. E chauffeur a kita ambos plachi marduga y huy na pia. Durante e investigacion di Polis a bin saca afo cu e auto ta registra n’un adres den Semeleerstraat.
A bay na e adres tambe. Eynan a bin tende cu e persona no ta biba eynan mas pa dos aña caba. Awor polis a confisca e auto pendiente paradero di e chauffeur cu a comete un fayo den ley di dal y bandona e sitio na pia.