Diahuebs anochi banda di 8or a sosode un otro atraco. E biaha aki tabata den vecindario di Shellstraat. Ta trata di un atraco riba un dama. E dama a bay den casino na Playa. Eynan el a hunga y gana placa. E premio cu el a gana den casino el a perde pafo caminda pa cas. Dos homber cara tapa cu cuchiu den man a sigui e dama y dado momento bou menasa exigi pa e entrega e placa. No ta conoci si nan a mir’e gana placa den casino. Si ta e caso cu nan a probecha pa atrac’e den Shellstraat.
Den Avenida Alo Tromp a logra bati alarma y polis a yega mesora. Polis a tuma datos di e victima y cuminsa cu un investigacion. E dama a splica cu e atracadonan despues di kita su placa a exigi pa e sigui cana. Mirando cu e ta indefenso, el a logra sigui cana bay y den area di Avenida Alo Tromp a logra avisa polis. E dama tabata hopi spanta. A avisa e personal specialisa pa atende cu victima pa bin tambe na e sitio pa asina atende cu e dama.
