Dialuna mainta dama a keda levemente herida. Polis a haya yamada cu riba e caminda di Weg Sero Blanco banda di e veld di Madushi Stars tin un accidente. Tabata prome cu 7or di mainta. Ora cu Polis a yega a topa cu e auto cu a bolter. Esaki a sosode den un birada peligroso. E auto a dal den un mata djey bolter. Polis a atende cu e chauffeur cu ta e senjora y djey a puntra si ta desea yudanza medico. E tabata tin algun rasca na curpa. El a bisa cu e mes lo bay busca yudanza medico. E tabata levemente herida. Takelwagen tabata necesario pa asina pone e auto bek riba su wielnan.
