Dia 2 di december proximo Filomena College MAVO na San Nicolas ta tene su acostumbrado Feria di Pasco 2022. Bao guia di e maestronan Mariela Carrion, Jennely Heiliger y Raquel Leocadia cada studiante di Ciclo Basico y Avansa 1 a haya e oportunidad di eligi un baluarte di San Nicolas y vecindario studiando su trayectoria y su nificacion pa San Nicolas y Aruba henter. E baluartenan aki ta: Ataniro, Edward Cheung, Gregory Richardson, Tito Bolivar, Diana Antonette, Dufi Kock, Chris Kross y Roderick “Rocco” Franken.
E anochi ta dia 2 di december 2022 di 6:00 pm. pa 9:00 pm. Como cu Filomena College a inaugura e mural dedica na Aruba su heroe Boy Ecury, maestro Addonsito Croes lo duna lectura riba e bida di e heroe aki.
E anochi aki nos alumnonan lo tin tambe e menu di cumindanan tipico crioyo y di pasco cu e publico por cumpra na prijsnan di famia.