Diahuebs anochi polis, brandweer y ambulance a presenta na Hooiberg p’un caso di rescate. Ta na e punta di e sero, unda cu un hende homber a cay y fractura su enkel malamente. Mirando e fractura, ta claro cu e no por a move riba su propio forsa.
Den un forma strategico a forma dos team, consisti di bombero- y paramediconan di ambulance. Un team a bay te na punta di sero pa cuminsa cu e proceso pa baha cu e victima mientras cu memey di sero a topa cu e otro team kende a yuda tambe pa baha cu e victima.
E no tabata facil, sinembargo e ekipo di rescate a bay “extra mile” p’asina baha cu e victima. Ora cu a yega cu ne parti abou, a hinc’e mesora den ambulance kende a transporta e hende homber pa ambulance p’e ricibi atencion medico avansa. Un trabou na e ekipo di rescate cu a haci nan maximo esfuerso.